ԵԱՀԿ Մինսկի խմբի համանախագահները հայտարարություն էին տարածել, թե առաջիկա օրերին Եվրոպայի երկրներից մեկում ակնկալում են Հայաստանի և Ադրբեջանի արտաքին գործերի նախարարներ Էդվարդ Նալբանդյանի և Էլմար Մամեդյարովի հանդիպումը ԵԱՀԿ Մինսկի խմբի համանախագահների հետ։ ՀՀ ԱԳՆ մամլո պատասխանատու Տիգրան Բալայանը «7օր»-ի հետ զրույցում ասել է, որ եթե նման հանդիպում լինի, այդ մասին լրատվամիջոցներին տեղյակ կպահեն։

«Անկարան, Բաքուն և Երևանը մի քանի ամիս կվարեն «լուռ քաղաքականություն», ինչից հետո կնախաձեռնվեն քայլեր հայ-թուրքական արձանագրու- թյունների հարցում»,- ասել է Թուրքիայի արտգործնախարարը։ Դավութօղլուն դրական է գնահատել հայ-թուրքական հարաբերությունների ընթացքը՝ նշելով, որ թուրք-ադրբեջանական հարաբերություններն այսօր ավելի զարգացած են, քան նախկինում։

Արթուր Սաքունց. «Ակնհայտ սուտ ցուցմունքի համար Սարգիս Հացպանյանին դատապարտում են, իսկ ոստի- կանապետին՝ ոչ։ Մինչև հիմա Գարիկ անունով օպերը ազա- տության և ծառայության մեջ է։ Մտահոգություն ունեմ, որ ոստիկանության Չարենցավանի բաժնի պետն իր լծակները կարող է օգտագործել ազդելու կալանքի տակ գտնվող մարդկանց և նրանց հարազատների վրա»։