2010թ. հունվար-օգոստոսին հաշվարկվել է 1 մլն 193 հազ. տնտեսապես ակտիվ բնակչություն, որոնցից 1 մլն 108 հազ. 600-ը զբաղվածներ են, իսկ 84 400-ը՝ պաշտոնապես գրանցված գործազուրկներ։ Նշված ամիսներին գործազրկության մակարդակը կազմել է 7,1%, որն ավելին է, քան 2008թ. (6,3%) և 2009թ. (6,8%)։ Աշխատանք փնտրողների ընդհանուր թիվը օգոստոսին կազմել է 98 900 մարդ։ Նրանցից չզբաղվածները 84 300 են, որոնցից էլ գործազուրկ են 82 600-ը։

Սոցիալական ոլորտում ՀՀ կառավարության վարած քաղաքականությունը Գյումրիում լուրջ դժգոհությունների տեղիք է տալիս: Դժգոհությունների պատճառ են առաջին անհրաժեշտության ապրանքների զանգվածային թանկացումները, գործազրկությունը և ցածր աշխատավարձերը: Իսկ կառավորության կողմից նվազագույն աշխատավարձի և կենսաթոշակների ավելացումը գյումրեցիները ավելի շատ վիրավորական ու ծիծաղելի են համարում: