ԱՄՆ պետքարտուղարի տեղակալ Ֆիլիպ Գորդոնը հանդիպել է Թուրքիայի արտգործնախարար Ահմեդ Դավութօղլուի հետ։ Հանդիպման ընթացքում քննարկվել է ղարաբաղյան հակամարտության կարգավորումը։ Անդրադարձ է եղել նաև հայ-թուրքական ներկայիս գործընթացին։

Արմեն Մարտիրոսյան. «Մե՛կ ասում են՝ ավազակապետություն է տիրում, հետո մե՛կ ներման՝ ինդուլգենցիայի հնարավորություն է ընձեռվում, մե՛կ հրաժարական են պահանջում, մե՛կ հետո ասում են. «Չէ՛, լիգիտիմություն տանք, թագադրենք քեզ», մի պահ էլ նույնիսկ. «Եթե կոալիցիա առաջարկեն, հնարավոր է՝ մենք դիմենք ժողովրդին, հարցնենք՝ միանա՞նք այդ կոալիցիային, թե ոչ»։

Ռուբեն Հակոբյան. «Եղիազար Այնթապցու կաթողիկոսության, պատմական հայտնի օրինակին հղում անելով, ՀԱԿ-ի առաջնորդը պատրաստակամություն է հայտնում իր իսկ բնորոշումով' ընտրությունների կեղծումով իշխանության եկած նախագահին սատարել և չպահանջել նրա հրաժարականը, եթե նախագահը ազգային շահերից բխող քայլ կատարի»:

«Լևոն Տեր-Պետրոսյանի խոսքի եզրակացությունն այն է, որ նա պատրաստ է գործարքի մեջ մտնել իշխանության հետ։ Պետք է հիշենք սեպտեմբերի 18-ի ՀԱԿ հանրահավաքի ելույթի եզրափակիչ խոսքը, երբ Լևոն Տեր-Պետրոսյանն ասում էր, որ իշխանություններն ուզում են ՀԱԿ-ին ինչ-որ խաղի մեջ ներքաշել, իսկ իրենք դրա իրավունքը չունեն, իսկ հիմա եկել ասում է՝ իշխանություննե՛ր, ես պատրաստ եմ Ձեզ հետ գործարքի մեջ մտնել...»

Լարիսա Ալավերդյանի համար ընդունելի չէ Լևոն Տեր-Պետրոսյանի այն դիրքորոշումը, որ Հայաստան-Թուրքիա արձանագրությունների պարունակած դրույթներից միակ անընդունելին հայ և թուրք պատմաբանների հանձնաժողովի ստեղծմանը վերաբերող կետն է։