ՀՀ և Ռուսաստանի նախագահներն այսօր կքննարկեն հայ-թուրքական հարաբերությունների հաստատման և ղարաբաղյան հակամարտության կարագավորման գործընթացները։ Նշենք նաև, որ Ստեփանակերտում ԵԱՀԿ Մինսկի խմբի համանախագահ Ռոբերտ Բրադկեն ԼՂՀ նախագահ Բակո Սահակյանի հետ հանդիպումից հետո լրագրողներին ասել էր, որ Ադրբեջանի և Հայաստանի նախագահների հերթական հանդիպումը տեղի կունենա այս շաբաթ:

Ուկրաինայում կայացած նախագահական ընտրությունների 50,96 արդյունքների հաշվարկով, 36.86% ձայներով՝ առաջին տեղում Վիկտոր Յանուկովիչն է, ով ներկայացնում է ընդդիմադիր «Մարզերի կուսակցությունը»։ 24. 35% ձայներով՝ երկրորդ տեղում երկրի վարչապետ Յուլիա Տիմոշենկոն է։ Ուկրաինայի գործող նախագահ Վիկտոր Յուշչենկոն, 4,87 % ձայներով, հինգերորդն է։

«Ով ինչ էլ մտածի, միևնույն է, հայ-թուրքական հարաբերությունների հարցը փոխկապակցված է ղարաբաղյան հիմնախնդրի հետ։ Մենք բազմիցս հայտարարել ենք, որ հայ-թուրքական հարաբերությունների բարելավումը կախված է ղարաբաղյան խնդրի լուծումից»,- 7 թերթերի լրագրողներին հայտարարել է Թուրքիայի վարչապետ Ռեջեփ Էրդողանը։

Ռուսաստանի պետդումայի փոխխոսնակ Վլադիմիր Ժիրինովսկու հայտարարությունները վրդովեցրել են Բաքվին։ Հիշեցնենք, որ վերջերս Ժիրինովսկին իր հարցազրույցներից մեկում հայտարարել էր, որ Հայաստանն ու Ադրբեջանը երբեք չեն գա համաձայնության, այդ պատճառով էլ Ռուսաստանը պետք է ճանաչի Ղարաբաղի անկախությունը։

«7օր»-ը դեռ 2009-ին տեղեկացրել էր, որ ՀՀԿ 12-րդ համագումարում ՀՀ տարածքային կառավարման նախարար, ՀՀ փոխվարչապետ Արմեն Գևորգյանն ակնարկել էր, որ կարող է ինքը նույնպես ՀՀԿ-ական դառնալ։ Նախօրեին լրագրողներին նա արդեն ասել է, որ այդ հարցը բարձրացվել է ՀՀԿ վերջին համագումարի ժամանակ՝ հավելելով...