Արցախի հանրապետության պաշտպանության բանակի լրատվության և քարոզչության բաժնից հայտնում են, որ նոյեմբերի 19-ին ժամը 24.00-ի սահմաններում ՊԲ հարավային ուղղությամբ տեղակայված զորամասերից մեկի պահպանության տակ գտնվող առաջնային բնագծում տեղի է ունեցել մահվան ելքով արտակարգ միջադեպ: Կան զոհեր և վիրավորներ: Հարուցվել է քրեական գործ, կատարվում է նախաքննություն: Այլ մանրամասներ առայժմ չեն հաղորդվում։

Թուրքիայի Կարս քաղաքում աշխատող «ԳԱԼԱ» հեռուստաընկերության աշխատանքային խումբը բերման է ենթարկվել տեղի ազգային անվտանգության ծառայության աշխատակիցների կողմից: Քաղաքի նախկին հայաբնակ թաղամասերից մեկում նկարահանումներ կատարելու ժամանակ «ԳԱԼԱ»-ի աշխատակիցներին են մոտեցել քաղաքացիական հագուստով մի քանի ծառայողներ եւ արգելել նկարահանումները:

Հայկական կողմը բազմիցս ընդգծել է հակամարտու­թյուն­ների լուծման ընդհան­րական ձևակերպումների անընդունելիությունը: ՆԱՏՕ-ի Լիսաբոնյան համաժո­ղովի հռչակագրի նախագծում հարավկովկասյան կոն­ֆլիկտ­ների լուծման նախկին ընդհան­րացված ձևակերպման պահպանումը, որում հղում է կատարվում ԵԱՀԿ կողմից հռչակված սկզբունքներից միայն մեկին, վատ ազդակ կարող է դառնալ և լրացուցիչ բարդություններ ստեղծել ԼՂ հակամար­տության խաղաղ կարգավորման բանակցային գործընթացում։