2011թ. հունվար–դեկտեմբեր ամսիների ընթացքում դրանց հանրագումարը կազմել է 647 դեպք, որը 2010թ. համեմատ աճել է 9,3%–ով։ 2010–ին այդ ցուցանիշը եղել է 592։ 647 դեպքից 195–ն ավարտվել է ինքնասպանությամբ։

–Օրինակ՝ ՀՀԿ–ն հայտարարում է, որ ոչ միայն պահպանելու է իր տեղերը, այլ նաև ավելացնելու է, և դա՝ արդար ընտրությամբ։ Ինչպե՞ս կարող է մարտի 1-ով անցած իշխանությունը, ժողովրդի ատելությունն իր ուսերին տանող իշխանությունն արդար ընտրությամբ այդքան ձայներ հավաքել։

«Ժառանգություն»խմբակցության պատգամավոր Զարուհի Փոստանջյանը հանձնաժողովի աշխատանքներին մասնակցելու համար եկել է իր երկու տարեկան դստեր՝ Լուիզայի հետ:

Մահացությունը 2011թ. հունվար–դեկտեմբերին կազմել է 28 030 և 2010թ. համեմատ աճել 0,4%–ով, իսկ 1000 բնակչի հաշվով գործակիցը հավասար է 8,6‰–ի։ 2011թ. գրանցվել է 851 մեռելածնություն՝ 2010թ. 845–ի համեմատ։

Հունվարի 31-ին, ժամը 17.30-ին, ոստիկանության Արտաշատի բաժնի ծառայողները, գողություն կատարելու կասկածանքով, Ներքին Դվին գյուղից բերման են ենթարկել 1989 թ. ծնված Նարեկ Կ.-ին: Պարզվել է, որ նա 2011 թ. փետրվարին պատուհանից մտել է համագյուղացիներից մեկի տուն և գողացել կենցաղային իրեր:

Ռաֆիկ Պետրոսյան. «Ընդհանուր առմամբ պետք է կանայք ավելանան, որովհետև ընտրական օրենսգրքով տոկոսը ավելացել է։ Երկրորդ՝ պետք է լինեն երիտասարդներ նույնպես։ Երրորդ՝ նախկինում կենսափորձ ունեցողները նույնպես պետք է լինեն»։

Ներկայումս ՀՀ դատարաններում քննվում են Ինֆորմացիայի ազատության կենտրոնի տեղեկատվություն տրամադրելու պահանջի մասին 4 դատական հայց՝ ընդդեմ ՀՀ Արտակարգ իրավիճակների նախարարության, "Համալսարանականներ" համատիրության, "Աշտարակ կաթ" ՓԲԸ-ի եւ "Դուստր Մարիաննա" ՍՊԸ-ի:

Ռաֆիկ Պետրոսյանը, անդրադառնալով ՀՀԿ նախընտրական ցուցակում Արտաշես Գեղամյանի, Պարույր Հայրիկյանի, Խոսրով Հարությունյանի և «հին գվարդիայի» այլ ներկայացուցիչների տեղ գրավելու հավակնությունների վերաբերյալ հարցին, ասել է...

–Մենք այսօր պոտենցիալ պատերազմի մեջ գտնվող երկիր ենք։ Այս պարագայում պետք է գտնվի երկխոսության եզր։ Իհարկե, մենք փորձեցինք երկխոսության գնալ, բայց իշխանությունը ժամանակ շահեց ու քցեց։ Եթե ընտրությունները կեղծվեն, ժողովուրդը դուրս է գալիս փողոց, և մինչև խնդիրը վերջնականապես չլուծվի, փողոցից տուն չի գնալու։

ՀՀ ընտրական օրենսգրքի համաձայն՝ ՀՀ Ազգային ժողովի պատգամավոր կարող է ընտրվել քսանհինգ տարին լրացած, այլ պետության քաղաքացի չհանդիսացող, վերջին հինգ տարում ՀՀ քաղաքացի հանդիսացող, վերջին հինգ տարում Հանրապետությունում մշտապես բնակվող և ընտրական իրավունք ունեցող յուրաքանչյուր ոք:

Փետրվարի 1-ից Մարդու իրավունքների պաշտպան Կարեն Անդրեասյանի հրամանով Պաշտպանի առաջին տեղակալ է նշանակվել Աշոտ Վահանյանը։ Մեկ այլ հրամանով Պաշտպանի տեղակալ է նշանակվել Գենյա Պետրոսյանը։

Այն ժամանակ, երբ մշակվում էր ընտրական նոր օրենսգիրքը, անկախ նրանից, որ մեր ծրագրային դրույթում դա կա, համամասնական ընտրակարգի անցնելու հարցը հնչեղություն չուներ, դրա համար էլ մենք դա թողեցինք ավելի ուշ ժամանակների համար։ Իսկ հիմա այն լայն հնչեղություն է ստացել, և ես խնդիր չեմ տեսնում, դա մենք պետք է քննարկենք, քննարկման արդյուքնում նկատենք, որ այս հարաբերակցության փոփոխությունը նպատակահարմա՞ր է, թե՞ ոչ

Մայրաքաղաքում նախորդ օրվանից տեղացող ձյան հետևանքները վերացնելու նպատակով հունվարի 31-ի երեկոյան ժամերից սկսած և անցած գիշերվա ընթացքում մայրաքաղաքի բոլոր վարչական շրջանների կոմունալ ծառայությունների կողմից աշխատանքներ են իրականացվել մայրաքաղաքի փողոցներում անխափան երթևեկությունն ու մայթերի մաքրությունն ապահովելու ուղղությամբ:

ՀՀ ազգային վիճակագրական ծառայության ներկայացրած վերջին տվյալներով՝ 2011թ. նորածիններին ամենահաճախ տրվող անուններն են Մանեն ու Նարեկը։ Մանե են կոչել 839 աղջկա, իսկ Նարեկ՝ 1194 տղայի։

ՀԱԿ համակարգող Լևոն Զուրաբյանը վերջերս բոլոր ուժերին, նաև ԲՀԿ–ին կոչ էր արել մեկ միասնական ճակատ կազմել և միասնաբար բռնել ընտրակեղծարարի ձեռքը։

Հրապարակվել են ՀՀ ֆինանսների նախարարությունում անցկացված հաշվապահների որակավորման այս տարվա առաջին քննության արդյունքները: Համաձայն հրապարակված տվյալների` հրավիրված 20 դիմորդներից քննությանը ներկայացել է 8 դիմորդ, որոնցից որակավորման վկայական է շնորհվել 4-ին:

Հանրապետության տարածքում փետրվարի 1-ից 2-ին շրջանների զգալի մասում սպասվում է ձյուն, տեղ-տեղ` մառախուղ: Փետրվարի 3-ին, 4-ին կդիտվի առանց տեղումների եղանակ: Քամին արևմտյան` 3-8 մ/վրկ, առանձին վայրերում սպասվում է քամու ուժգնացում` 15-20 մ/վրկ, լեռներում և լեռնանցքներում` բուք: Օդի ջերմաստիճանը փետրվարի 1-ին կբարձրանա 2-4 աստիճանով, 2-ի ցերեկը կնվազի 2-ից 4, իսկ փետրվարի 3-ից 4-ի գիշերները` ևս 7-9 աստիճանով:

Հունվարի 31-ին, ժամը 03.30-ին, Երևանի Ալեք Մանուկյան փողոցի և Սայաթ-Նովայի պողոտայի խաչմերուկում անհայտ մակնիշի և պետհամարանիշի ավտոմեքենայի վարորդը վրաերթի է ենթարկել 1938 թ. ծնված մի կնոջ, որը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն: