Հայաստանի Հանրապետության վարչապետ Տիգրան Սարգսյանն այսօր ընդունել է ԵԱՀԿ երևանյան գրասենյակի ղեկավար Սերգեյ Կապինոսին։

ՀՀ վարչապետն անդրադարձել է Հայաստանում ԵԱՀԿ երևանյան գրասենյակի ծավալած արդյունավետ գործունեությանը, որն ընդգրկում է տարբեր ոլորտներ եւ խնդիրների լայն շրջանակ' միաժամանակ ՀՀ կառավարության անունից հայտնելով համագործակցության պատրաստակամություն։Հանդիպման ժամանակ ԵԱՀԿ երեւանյան գրասենյակի ղեկավարը խոսել է հակակոռուպցիոն քաղաքականության, տնտեսական, բնապահպանական ոլորտների եւ մարդու իրավունքների ու ժողովրդավարության ուղղություններով իրականացվող ԵԱՀԿ երեւանյան գրասենյակի ընթացիկ գործունեության եւ ծրագրերի մասին։Զրուցակիցները խոսել են նաեւ մի շարք ոլորտներում համագործակցության ընդլայնման հնարավորությունների մասին։