Լրահոս

11.08.2009 15:34


Սահմանի բացումն ավելի ձեռնտու է Թուրքիայի՞ն

Սահմանի բացումն ավելի ձեռնտու է Թուրքիայի՞ն

-Ես չէի օգտագործի «հայ-թուրքական սահմանի բացում» տերմինը, ես կասեի՝ Թուրքիայի կողմից հայկական սահմանի ապաշրջափակում։ Սահմանը փակել է Թուրքիան, Թուրքիան էլ թող մտածի, թե ինչպես է այն բացելու,- ասել է Հայկ Բաբուխանյանը։

Նրա կարծիքով Թուրքիայի վարչապետի՝ «Թուրքիայում 40 հազ. Հայաստանի քաղաքացի կա, չե՞ք մտածում նրանց մասին» հայտարարությունը ֆաշիստական պետության ղեկավարի մտածելակերպ է.

-Թուրքիան ինչպես եղել է ցեղասպանաստեղծ պետություն, այնպես էլ մնացել է, և հայկական հարցը նրանց համար կրկին անգամ դարձավ անհաղթահարելի հարց։ Թուրքիան Ամերիկայի և Եվրոպայի ճնշման տակ մտավ Հայաստանի հետ հարաբերությունները լավացնելու գործընթացի մեջ և մխրճվեց մի ճահճի մեջ, որ կոչվում է պանթյուրքիզմ։ Հիմա նա Եվրոպային պետք է ապացուցի, որ դա այդպես չէ։

Թե՛ Վրաստանը, թե՛ Ադրբեջանը, թե՛ Թուրքիան, ըստ Հ. Բաբուխանյանի, սահմանի բացումից մեծ օգուտներ կունենան, և սահմանի բացումն ավելի ձեռնտու է Թուրքիային, քան Հայաստանին։

7or.am

 

Այս խորագրի վերջին նյութերը