Փետրվարի 13-ին Սոչիում ընթացող ձմեռային Օլիմպիադայում խաղարկվել է մեդալների 6 հավաքածու։

Չինաստանը նվաճեց իր առաջին երկու ոսկե մեդալները։ Մրցանակային տեղեր գրավեցին նաև Գերմանիայի, Ֆրանսիայի, Լեհաստանի ու ԱՄՆ-ի օլիմպիականները։

Նույն օրը Հայաստանի միակ կին ներկայացուցիչ Կատյա Գալստյանը դահուկավազքի կանանց դասական ոճի (10 կմ) մրցումներում 75 մասնակցիների մեջ զբաղեցրեց 64-րդ տեղը:

Մեդալների ընդհանուր հաշվարկով առաջին տեղում շարունակում է ընթանալ Գերմանիան՝ 7 ոսկի մեդալ, 4-ական ոսկի մեդալով երկրորդը Կանադան է, երրորդը՝ Նորվեգիան։