Այսօր մեր երկրում իրավիճակն այնպիսին է, որ բողոքում են բոլորը. մետրոյի ու երկաթուղիների աշխատողներից սկսած՝ օպերայի արտիստներով ավարտած: Քաղաքական դաշտում նույնպես մոբոլիզացման գործընթաց է ընթանում. ԱԺ ոչիշխանական 4 խմբակցությունները կառավարությանն անվստահություն հայտնելու նախագիծ են կազմում: Այսպիսով, հասարակական-քաղաքական լայն համախմբման փուլ է սկսվում, որը ճիշտ կազմակերպելու դեպքում վարչակարգը կհանձնվի: Այժմ անհրաժեշտ է կազմակերպված ու համախմբված գործել, ստեղծել այս վարչակարգին այլընտրանքային թիմ և ծրագիր: Միայն միասնական ջանքերով են հնարավոր իշխանափոխության օրակարգի վերջնական ձևավորումն ու իրականացումը:
Հիմա ռեժիմը կփորձի ամեն կերպ կասեցնել այս ալիքը, ու դրա դեմ հակազդեցության որակը կախված է միմիայն մեզանից: