ԱԺ ՀՅԴ խմբակցության պատգամավոր Արծվիկ Մինասյանն այսօր խորհրդարան այցելած կառավարության անդամներին ասել է, որ «Որոտանի» կասկադը գույքի մասնավորեցման ծրագրից հանելը և վաճառելը շինծու գործարք էր։

–Ընդգծեմ, որ Քրեական օրենսգրքով վնասարարություն հոդվածը սահմանում է պատիժ,–ասել է Ա. Մինասյանը:

Ինչ վերաբերում է պարտադիր կուտակային կենսաթոշակային համակարգի հետ կապված ՍԴ–ի որոշմանը, Ա. Մինասյանը հայտարարել է.

–Պարտադիր վճարներ գանձելով՝ կառավարությունը չի կատարում ՍԴ որոշումը կամ չի ստեղծում այնպիսի պայմաններ, որ գործատուն ու աշխատողն ազատ կամարտահայտվեն։ ՍԴ որոշումից հետո կառավարությունը պարտավո՛ր էր նախաձեռնել այնպիսի փոփոխություններ, որ գործատուն և աշխատողները չհայտնվեին այսպիսի վիճակում: Այլապես կառավարությունը կոպտագույն խախտում է թույլ տալիս։

7or.am