Պրահայի քաղաքապետ Տոմաշ Գուդեչեկը հայտարարել է, որ եթե Ուկրաինայի նախագահ Վիկտոր Յանուկովիչն ապրիլին նախատեսված այց կատարի Չեխիա, ապա այդ երկրի իշխանությունները չեն մասնակցի նրա հետ հանդիպմանը։ «Взгляд»-ի փոխանցմամբ՝ քաղաքապետն աբսուրդային է համարել, որ Յանուկովիչը վայրէջք պետք է կատարի Վացլավ Հավելի անունը կրող օդանավակայանում:

Պրահա այցելության դեպքում Յանուկովիչի պատվին նաև չի կազմակերպվի որևէ միջոցառում, իսկ Պրահայի քաղաքապետը նրան չի հրավիրի իր մոտ հյուրընկալության:

Նշենք, որ Չեխիա Յանուկովիչի այցը չեղյալ հայտարարելու կոչով երկրի նախագահ Միլոշ Զեմանին են դիմել մի շարք հասարակական գործիչներ, բանաստեղծներ, ռեժիսորներ, երգիչներ, մարզիկներ, քաղաքապետեր և համայնքապետեր:

7or.am