Հայաստանի ԱԳ նախարար Էդվարդ Նալբանդյանը կհանդիպի Երևանում գտնվող Թուրքիայի ԱԳ նախարար Ահմեդ Դավութօղլուի հետ։

Այս մասին Երևանում ընթացող Սևծովյան տնտեսական համագործակցության անդամ պետությունների արտգործնախարարների համաժողովից հետո լրագրողներին տեղեկացրել է ՀՀ ԱԳ նախարարը։

Նա նշել է, որ հանդիպելու է ՍԾՏՀ անդամ պետությունների բոլոր, այդ թվում՝ Թուրքիայի պատվիրակության հետ:

–Քննարկվող թեմաների մասին կհայտնենք հանդիպումից հետո,-ասել է Նալբանդյանը:

Է. Նալբանդյանը ևս մեկ անգամ ընդգծել է, որ հայ-թուրքական հարաբերությունները կարող են կարգավորվել առանց նախապայմանների, իսկ նախապայմանների լեզվով խոսելու Թուրքիայի դիրքորոշումն անընդունելի է։

Ավելի վաղ Սերժ Սարգսյանի մամուլի խոսնակը տեղեկացրել էր, որ Սարգսյան–Դավութօղլու հանդիպում տեղի չի ունենալու: