Երեկ երեկոյան գումարված ՀՀԿ արտահերթ նիստը վարել է Սերժ Սարգսյանը: ՀՀԿ մամլո խոսնակ Էդուարդ Շարմազանովի խոսքերով՝ նիստի ժամանակ անդրադարձել են ներկուսակցական և արտաքին քաղաքական հարցերին:

Շարմազանովը լրագրողներին ասել է՝ Սերժ Սարգսյանի այցը Վիլնյուս խոսում է այն մասին, որ Հայաստանը շարունակելու է իր քաղաքական երկխոսությունը ԵՄ-ի հետ։

–Ըստ ամենայնի՝ կընդունվի համատեղ հայտարարություն, որտեղ կարձանագրվի մեր իրականացված բարեփոխումների շարունակականությունը,–ասել է նա՝ ավելացնելով,–ՌԴ–ն ՀՀ–ի ռազմավարական դաշնակիցն է։ ՀՀ-ի և ՌԴ-ի միջև հարաբերությունները կարգավորվում են այն երկկողմանի պայմանագրերի հիման վրա, որոնք ստորագրվել են: 102-րդ ռազմաբազան, պարոն Մեդվեդևի և պարոն Սարգսյանի հանդիպումից և երկկողմ պայմանագրի կնքումից հետո, որպես Հայաստանի դաշնակից երկրի զինվորներ, պետք է պաշտպանի Հայաստանի սահմանները։ ՀՀ-ն ընտրել է ՀԱՊԿ-ը, և այդ ընտրությունն արդարացված է։

7or.am