Այսօրվա ասուլիսին թուրքագետ Անուշ Հովհաննիսյանը հայտնել է, որ Անկարայի «Զրո խնդիր հարևանների հետ» քաղաքականությունը ձախողվել է, թեև Թուրքիայի ԱԳ նախարար Ահմեդ Դավութօղլուն հակառակն է պնդում։

«Այն խաղադրույքները, որոնք Թուրքիան արեց Մերձավոր Արևելքում, տապալվել են: Թուրքիան համարում է, որ Սիրիայում տեղի ունեցողը Սիրիայի ներքին խնդիրը չէ, այլ արտաքին խնդիրն է։ Երբ սկսվեցին հակասական ելույթները, Անկարան սկսեց ակտիվ դերակատարություն ունենալ Սիրիայում սկսված գործընթացներում»,–ասել է բանախոսը։

Անդրադառնալով Հայոց ցեղասպանության 100-ամյակին՝ թուրքագետը պատահական չհամարեց հայ–թուրքական հարաբերությունների վերաբերյալ Դավութօղլուի հայտարարությունը։

«Այդ հայտարարությունը կարելի է կապել երկու այլ երևույթների հետ` Ալիևը պետք է Անկարա մեկներ, երկրորդ` պետք է վերսկսվեին ԵՄ- Թուրքիա բանակցությունները»,–նշել է Հովհաննիսյանը։

7or.am