Դեկտեմբերի 5-6-ին Կիևում կայանալիք ԵԱՀԿ նախարարական խորհրդի նիստի աշխատանքներին չի մասնակցի ԱՄՆ պետքարտուղար Ջոն Քերին։ Պետքարտուղարության պաշտոնական ներկայացուցիչ Ջեն Փսակիի խոսքերով՝ պատճառը Քերիի աշխատանքային գրաֆիկն է։ Ամերիկյան կողմը նախարարական խորհրդին կներկայացնի պետքարտուղարի տեղակալ Վիկտորյա Նուլանդը:

Փսակին հրաժարվել է մեկնաբանել տարածված այն տեղեկությունները, թե Քերիի բացակայությունը պայմանավորված է Ուկրաինայի կառավարության` ԵՄ ասոցացման համաձայնագրի աշխատանքները կասեցնելու որոշման կամ Յուլյա Տիմոշենկոյին ազատ արձակելու օրինագծի ձախողման հետ: