ՀՀ ԱԺ ՀՅԴ խմբակցության պատգամավոր Արծվիկ Մինասյանն այսօր հրավիրված ասուլիսում հայտարարել է, որ թեև արմատապես դեմ է կուտակային կենսաթոշակային համակարգի պարտադիր բաղադրիչի կիրառմանը, սակայն ճիշտ է համարում դրա կիրառումը գոնե մեկ տարով հետաձգելը։

–Գոնե քաղաքացիական ակտիվությունը հաշվի առնելով՝ պետք է մեկ տարով հետաձգել փաթեթի ուժի մեջ մտնելը։ Իսկ այդ ընթացքում մասնագիտական և հանրային քննարկումներ կազմակերպել: Բայց տեսանք մեծամասնության պահվածքը՝ պարզապես փախուստ գործեց քննարկումներից,–ասել է Ա. Մինասյանը:

Ա. Մինասյանը վստահ է, որ ԱԺ–ի 80, իսկ կառավարության 90 տոկոսը չի էլ կարդացել այդ փաթեթը, բայց հրապարակայնորեն պաշտպանում են, քանի որ ճշմարտությունն ասել չեն կարող։

Ինչ վերաբերում է ՀՀԿ խմբակցության ղեկավար Գալուստ Սահակյանի արտահայտությանը՝ թե 4 խմբակցությունների հրավիրած արտահերթ նիստը տապալել են, որովհետև բովանդակային նոր քննարկման անհրաժեշտություն չէին տեսնում, Ա. Միանսյանը պատասխանել է անեկդոտով. «Դևը հանդիպում է Գալուստ Սահակյանին և ասում` եթե մի անգամ էլ ասուլիս տվեցիր, ինքնասպան կլինեմ»:

7or.am