Դրամը (կոդ՝ AMD) Հայաստանի արժույթն է։ Նորանկախ Հայաստանի Հանրապետության դրամական միավորը շրջանառության մեջ է մտել 1993 թվականի նոյեմբերի 22-ին։

Դրամի գրաֆիկական խորհրդապատկերն առաջին անգամ գծագրել է Կարեն Կոմենդարյանը 1995 թվականի սեպտեմբերին՝ նախքան եվրոյի գրանշանի ծնունդը։

1993-ից մինչև 1995թ. տպագրված թղթադրամները շրջանառությունից հանվեցին 2005-ին։

50, 100 և 500 դրամի թղթադրամները դուրս են եկել շրջանառությունից և փոխարինվել մետաղադրամներով։

50000 դրամի թղթադրամը լույս է տեսել 2001 թվականին Հայաստանում քրիստոնեության ընդունման 1700-ամյակի առթիվ։

Հայկական դրամի 15-ամյակի կապակցությամբ Կենտրոնական բանկի դիմաց 2008 թ. տեղադրվել է դրամին նվիրված ու դրամը խորհրդանշող բրոնզե արձան։ Հեղինակը քանդակագործ Էդուարդ Շախիկյանն է։

1993 թվականի նմուշի 10-դրամանոց թղթադրամի վրա կար տառասխալ. «ՏԱՍԸ ԴՐԱՄ»-ի փոխարեն գրված էր «ՏԱՍ ԴՐԱՄ»։

Սխալով էր նաև նույն թվականի նմուշի 25-դրամանոց թղթադրամը. «ՔՍԱՆՀԻՆԳ» բառը գրված էր բացատով` «ՔՍԱՆ ՀԻՆԳ»։

7or.am