ԱԻՄ նախագահ Պարույր Հայրիկյանն այսօրվա ասուլիսում հայտարարել է, որ իրեն Բելգիայում և Հոլանդիայում 8 օրվա ընթացքում հպատակություն հայտնելու և ապրելու համար անհրաժեշտ ամեն ինչ առաջարկել են։

Անդրադառնալով իր բուժման համար պետբյուջեից տրված 20 մլն դրամ գումարին՝ Հայրիկյանն ընդգծել է, որ յուրաքանչյուր քաղաքացի մոտ 6 դրամ է տվել, իսկ պետությունն այդ 20 մլն-ի միայն մի մասն է տվել իրեն։

Հայրիկյանը նաև ընդգծել է, որ եթե նշում ենք ֆուտբոլի թիմի 40-ամյակը, ապա ազատագրական պայքարի սկիզբն էլ պիտի նշենք։

–Մենք երախտամոռ թափթփուկներ ենք: Մենք, նախանձից ելնելով, պատրաստ ենք ինքներս մեզ ոչնչացնել։ Դրա համար ոչ միայն Մաքսային միություն կմտնենք, այլ նաև Թուրքիայի միություն։ Սա մեր ողորմելի էությունն է,–ասել է նա:

7or.am