Այսօր լրանում է ՀՀ գլխավոր դատախազ Աղվան Հովսեփյանի պաշտոնավարման ժամկետը։ Նա չի վերանշանակվի իր պաշտոնում, քանի որ երեկ արդեն ՀՀ նախագահ Սերժ Սարգսյանը հրաժեշտի հանդիպում ունեցավ Աղվան Հովսեփյանի հետ։

Շրջանառվող լուրերի համաձայն՝ ՀՀ գլխավոր դատախազի հավանական թեկնածուներն են ԱԺ պետաիրավական հարցերի մշտական հանձնաժողովի նախագահ Դավիթ Հարությունյանը, ՀՀ զինվորական դատախազ Գևորգ Կոստանյանը և ԱԽՔ Արթուր Բաղդասարյանը։

Գլխավոր դատախազի հարցին խորհրդարանը, ըստ ամենայնի, կանդրադառնա առաջիկա քառօրյայում, ինչի մասին սեպտեմբերի 12–ին տեղի ունեցած ՀՀԿ ԳՄ նիստից հետո լրագրողներին ասաց այդ կուսակցության մամուլի խոսնակ Էդուարդ Շարմազանովը։

7or.am