«7 օրի» տաղավարում հյուրընկալվել է ԱԺ ԲՀԿ խմբակցության պատգամավոր Նաիրա Զոհրաբյանը։ Նա անդրադարձել է Տիգրան Սարգսյանի վերանշանակմանը, ներքաղաքական խնդիրներին ու Երևանի ավագանու ընտրություններին։

Զոհրաբյանն ապատեղեկատվություն է որակել «Հայկական ժամանակ» օրաթերթի տարածած լուրն այն մասին, թե իբր Ծառուկյանը հանդիպել է վարչապետին ու քննարկել կոալիցիայի մեջ մտնելու հարցերը։

«Ընդամենը մի քանի օր, և բոլորը կտեսնեն, որ դա սուտ է։ Լրատվամիջոցները պետք է պատասխանատու լինեն իրենց խոսքի համար»,– նշել է Զոհրաբյանը։