Մադրիդի «Ռեալի» դարպասապահ Իկեր Կասիլյասը մեկնաբանել է «Մալագայի» հետ խաղում ակումբի գլխավոր մարզիչ Ժոզե Մոուրինյոյի իրեն պահեստայինների նստարանին թոնելու որոշումը։

«Ես դրան սովոր չեմ, բայց թիմը Կասիլյասից կարևոր է, և սա մեծ մեծ-մեծ խոսքեր չեն: Մարզիչն է որոշում, թե ով խաղա: Մոուրինյոն ինձ ոչինչ չի ասել, չի բացատրել իրավիճակը: Խաղընկերներս ինձ իրենց զորակցությունը հայտնեցին, իսկ բոլորս էլ աջակցեցինք Ադանին։

Շաբաթվա ընթացքում զգում էի, որ չեմ խաղալու, բայց դա նշանակություն չուներ: Կարևոր էր հաղթել Մալագայում`առաջատարներից ետ չմնալու համար:

Ես ինձ նորմալ եմ զգում: Մենք պետք է հարգենք մարզիչի որոշումները, իսկ ես պետք է ավելի շատ մարզվեմ` վստահությունը վերականգնելու համար»,-ասել է «Ռեալի» դարպասապահը։

Հիշեցնենք, որ վերջին 10 տարվա ընթացքում առաջին անգամ Կասիլյասը մարզիչի որոշմամբ մնացել էր «Ռեալի» պահեստայինների նստարանին: