Թեղուտի պաշտպանության նախաձեռնության տարածած հաղորդագրության մեջ ասվում է, որ Սյունիքի մարզի Նորաշենիկ գետն ամբողջությամբ ողողված է թափոններով: Բնապահպանները դեկտեմբերի 4-ին եղել են տարածքում և արձանագրել, որ գետի աղտոտման հետևանքով պատճառված վնասի չափը հայտնի չէ:

«Մենք պահանջում ենք ՀՀ Գլխավոր դատախազությունից եւ ոստիկանությունից հարուցել քրեական գործ եւ պատասխանատվության կանչել մեղավորներին: Մենք համոզված ենք, որ պատասխանատու է Սյունիքում գործող հանքաթափոնային ընկերություններից մեկը: Եթե քայլեր չձեռնարկվեն, ապա ոչ պակաս պատասխանատվություն կկրեն նաեւ դատախազությունը եւ ոստիկանությունը»,- նշել են նրանք:

Հ.Գ. Այս տարածք այցելելուց առաջ խորհուդ է տրվում ունենալ դիմակներ, հակառակ դեպքում չի բացառվում, որ սուր շնչառական խնդիրներով հայտնվեք համապատասխան բժշկական բաժանմունքում: