Թուրքական լրատվամիջոցների փոխանցմամբ՝ երկրի արտգործնախարար Ահմեդ Դավութօղլուն նախօրեին հանդիպել է ԵԱՀԿ Խորհրդարանական վեհաժողովի նախագահ Ռիկարդո Միգլիորիի հետ: 

Հանդիպման ընթացքում քննարկվել է Թուրքիա-ԵԱՀԿ հարաբերությունների ներկա վիճակը: Կողմերն անդրադարձել են նաև սիրիական ճգնաժամին: Միգլիորին շնորհակալություն է հայտնել Դավութօղլուին՝ ԵԱՀԿ-ի գործունեության մեջ Թուրքիայի ներդրման համար՝ ընդգծելով սիրիացի փախստականներին Թուրքիայի ցուցաբերած աջակցությունը: