Որոշ թուրքական լրատվամիջոցներ հաղորդում են, որ Սիրիային սահմանակից Մարդինի նահանգի Նուսայբինի շրջանում սկսվել են տանկային վարժանքներ: Խոսքը  սահմանից 2 կիլոմետր հեռավորության վրա ընկած տարածքի մասին է:

Վարժանքների ընթացքին հետևում են քրդաբնակ այդ շրջանում զինծառայություն կատարող բարձրաստիճան հրամանատարները: Տեղաբնակները նշում են, որ այս շրջանում տարիներ շարունակ տանկային վարժանքներ չեն անցկացվել: Դրանց մասնակցում է 25 տանկ:

Հիշեցնենք, որ ավելի վաղ թուրք հրետանավորներն ու հրթիռայինները սկսել էին հետաքրքրվել Սիրիայում տիրող կլիմայական պայմանների մասին: Ի դեպ, այսօր Թուրքիայում արդեն իսկ մեկնարկել է Բարձրագույն ռազմական խորհրդի նիստը, որը նախագահում է երկրի վարչապետ Ռեջեբ Թայիբ Էրդողանը: