Յուրմալայում անցկացվող «Նոր ալիք» երիտասարդ կատարողների միջազգային 11-րդ մրցույթի հաղթող է ճանաչվել Ռուսաստանը ներկայացնող Նիլուն։ Նա ստացել է ադամանդե «Բյուրեղյա ալիք»-ն ու 50 հազ. եվրո դրամական պարգև։ Երկրորդ տեղում իտալացի Կոնստանցիո Դել Պինտոն է։ Նա ստացել է 30 հազ. եվրո: Երրորդ տեղը զբաղեցրած ուկրաինուհի Մարիա Յարեմչուկը ստացել է 20 հազ. եվրո։

Այս մրցույթում Հայաստանը ներկայացնում էր Սուրեն Առուստամյանը։

Նա հանդես եկավ Էրիկ Կլեպտոնի «Change The World», Անդրեի «Իմ սերը քեզ» և Բրենդոն Սթուոնի «Next to you» երգերով։

Նշենք, որ մրցույթի կազմակերպիչները վերջին օրերին հանկարծակի փոխել էին Սուրենի երգացանկը։

Մրցութային երրորդ օրվա Սուրեն Առուստամյանի ելույթը կարող եք դիտել այստեղ։

7or.am