Ուսանողների շրջանում Երևանի պետական համալսարանի «Երիտասարդ համալսարանականների միավորման»  անցկացրած  սոցհարցումների համաձայն՝ ուսանողության հիմնական խնդիրները վերաբերում են աշխատատեղերի բացակայությանը։

–Այսօր նույնիսկ ամենալավ սովորող և բուհը գերազանց ավարտած ուսանողներն իրենց մասնագիտությամբ աշխատելու լուրջ խնդիրներ ունեն: Նրանց 80%-ը չի աշխատում իր մասնագիտությամբ: Մենք հիմնականում փորձում ենք դիմորդներին մասնագիտական ճիշտ կողմնորոշում տալ: Տեղեկացնում ենք նրանց, թե աշխատաշուկան հիմնականում ո՞ր մասնագիտությունների կարիքն ունի,–ասել է միավորման նախագահ Գևորգ Մելքոնյանը այսօր հրավիրված ասուլիսին։

Գևորգ Մելքոնյանը տեղեկացրել է, որ այսօր աշխատաշուկան հիմնականում համակարգչային գիտելիքներ ունեցող մասնագետների պահանջարկ ունի:

7or.am