2012 թվականի   հուլիսի  14-ին ՀՀ հատուկ քննչական ծառայությունում տեղի է ունեցել խորհրդակցություն, որին մասնակցել են  դատավարական հսկողություն իրականացնող դատախազները  եւ ՀՀ Գլխավոր դատախազ Աղվան Հովսեփյանը:                                                                                    

Խորհրդակցությունը նախագահել է ՀՀ հատուկ քննչական ծառայության պետ Անդրանիկ Միրզոյանը:

Ամփոփվել են ՀՀ հատուկ քննչական ծառայության՝ 2012թվականի 1-ին կիսամյակում կատարված աշխատանքները:

Զեկույցով հանդես է եկել ՀՀ հատուկ քննչական ծառայության պետի տեղակալ Մ. Մաթեւոսյանը՝ ներկայացնելով կատարված աշխատանքների թվային տվյալները եւ վերլուծելով արդյունքներն ու խնդիրները:

2012թ. 1-ին կիսամյակում ՀՀ հատուկ քննչական ծառայությունում քննվել է 119 քրեական գործ, որոնցից 28-ը՝  55 անձի նկատմամբ, մեղադրական եզրակացությամբ ուղարկվել է դատարան, 37 քրեական գործ ուղարկվել է ըստ ընդդատության, կարճվել է 16 քրեական գործ, կասեցվել է`  5-ը, միացվել է վարույթում եղած քրեական գործերին` 5-ը, եւս 28 քրեական գործով նախաքննությունը շարունակվում է:

Ավարտված քրեական գործերով պատճառված վնասից նախաքննության ընթացքում ռեալ վերականգնվել է 76.4 տոկոսը: Հանցանքի կատարմանը նպաստող հանգամանքները վերացնելու ուղղությամբ միջոցառումներ ձեռնարկելու համար ՀՀ քր. դատ. օր-ի 200-րդ հոդվածի կարգով ներկայացվել է 12 միջնորդագիր:

Դիտարկվող ժամանակահատվածում վարույթում քննված 119 քրեական գործից 28-ը եղել է կոռուպցիոն բնույթի, որոնցից   7-ը՝ 20 անձի նկատմամբ /14-ը` պաշտոնատար անձ/,  մեղադրական եզրակացությամբ ուղարկվել է դատարան:

Դատի տրված 14 պաշտոնատար անձանցից ըստ բնագավառների և զբաղեցրած պաշտոնների եղել են՝

            1. Ոստիկանության աշխատակիցներ՝--------------------------------------- 13-ը,

այդ թվում` ՊՊՎ ոստիկաններ`4-ը, բաժնի պետի տեղակալներ` 3-ը, տեղամասի տեսուչներ` 2-ը, քրեական հետախուզության գլխավոր վարչության պետ, ՀԿԳ ավագ քննիչ, հետաքննիչ, ՔՀԲ օպերլիազոր` 1-ական:

            2. ԵՊՀ գրադարանի բաժնի վարիչ`------------------------------------- 1:

Ստացվել է 396 դիմում , որոնցից`

           - 148-ը կցվել է քրեական գործերին, նյութերին, վարույթներին,

           - 2-ով հարուցվել է  քրեական գործ,

- 25-ով նախապատրաստվել են նյութեր (որոնցով քրեական գործի հարուցումը մերժվել է),

126-ն ուղարկվել է այլ մարմին` ըստ ընդդատության, 86-ին տրվել է պարզաբանում, 7 դիմումի չի պատասխանվել (թողնվել է անհետևանք, դիմումատուի հետ թղթակցությունը դադարեցվել է ծառայությունում դիմումների, բողոքների, առաջարկությունների քննարկման, անձանց ընդունելության և գործավարության կարգի 37-րդ կետի համաձայն` նույնաբովանդակ, կրկնվող դիմումների  մեջ նոր փաստեր  չներկայացնելու, իսկ նախապես ներկայացված  փաստերն  արդեն իսկ  ստուգված և սպառիչ պատասխան տրված լինելու պատճառով), 2-ը գտնվում  է ընթացքի  մեջ:

Այլ գործառույթներ`

  -  ՀՀ հատուկ քննչական ծառայությունն ակտիվորեն մասնակցել է օրենքների փոփոխությունների, լրացումների, նախագծերի քննարկմանն ու ներկայացրել առաջարկություններ, արտահայտել դիրքորոշումներ:

          - Ապահովվել է մասնակցություն տարբեր գիտաժողովներում, սեմինարներում, խորհրդակցություններում, դասընթացներում, նաև՝ թույլատրելի սահմաններում հրապարակայնությունը:

Պարբերաբար հասարակական հնչեղություն ունեցող գործերի ընթացքի վերաբերյալ պետական իրավասու մարմիններին ներկայացվել են տեղեկատվություններ-հաղորդումներ, ԶԼՄ-ներում` հրապարակումներ (պատասխանվել է լրատվամիջոցների  37 հարցումների):

 ՀՀ հատուկ քննչական ծառայություն