«Ազգային համաձայնություն» կուսակցության նախագահ Արամ Հարությունյանը  «7օր»-ի հետ զրույցում, անդրադառնալով առաջիկայում  գազ սակագնի հնարավոր թանկացմանն ու դրա հետևանքներին,  ասել է.

–Խնդիրն այն է, որ այն իշխանական թիմով, որ կա այսօր, և որը մանավանդ արդեն 4 տարի է՝ ձախողում է քաղաքականությունը, հնարավոր չէ հասնել հաջողության։ Ձախողված թիմը չի կարող լավ արդյունքներ ցույց տալ։ Ինչ վերաբերում է գազի թանկացմանը, ապա եթե նույնիսկ գինը չբարձրանա, ապա միևնույն է, ժողովրդի վիճակը վատ է ու ավելի է վատանում, քանի որ չկա ազատ մրցակցություն, կան մենաշնորհներ, դրամի արժեզրկում և այլ գործոններ։ Եվ ամենավատն այն է, որ ժողովուրդն էլ հույս չունի, որ վիճակը կբարելավվի։

7or.am