Լրահոս

02.06.2023 12:31


Ողբերգական վթարից տուժած 4 երեխաներից մեկը մահացել է

Ողբերգական վթարից տուժած 4 երեխաներից մեկը մահացել է

Կոտայքի մարզում մայիսի 27-ին տեղի ունեցած ողբերգական ավտովթարի հետևանքով ծայրահեղ ծանր վիրավորում ստացած չորս անչափահասներից մեկը, գիտակցության չգալով, մահացել է: Այս մասին հաղորդեցին «Սուրբ Աստվածամայը» բժշկական կենտրոնի մամուլի բաժնից:

«Երեխան վթարից հետո տեղափոխվել էր «Սուրբ Գրիգոր Լուսավորիչ» ԲԿ, վիրահատվել, այնուհետև տեղափոխվել «Սուրբ Աստվածամայր» ԲԿ: Նրա մոտ առկա էին գլխուղեղի, որովայնի, կրծքավանդակի սալջարդեր: Անգիտակից էր, միացված էր արհեստական շնչառության սարքին, սրտի աշխատանքը պահպանվում էր դեղորայքով, գտնվում էր երրորդ աստիճանի կոմայի մեջ»,-նշել են հիվանդանոցի մամուլի ծառայությունից:

Ըստ աղբյուրի՝ մյուս երեք վիրավորները շարունակում են գտնվել վերակենդանացման բաժանմունքում, նրանցից մեկի մոտ կա դրական դինամիկա, մյուս երկուսի վիճակը մնում է ծահրահեղ ծանր:

Մայիսի 27-ին ժամը 09․00-ի սահմաններում Գառնի-Արտաշատ ավտոճանապարհի 8-րդ կմ հատվածում բախվել էին Volkswagen և «Վազ 2106» մակնիշի ավտոմեքենաները։ Վթարի հետևանքով մեկ մարդ տեղում մահացել էր, 7-ը՝ տարբեր աստիճանի մարմնական վնասվածքներով տեղափոխվել էին Երևանի տարբեր հիվանդանոցներ։ ՀՀ քննչական կոմիտեի մամուլի խոսնակ Գոռ Աբրահամյանը հայտնել էր, որ «Վազ 2106»-ում են եղել պատանի ըմբիշներ ու նրանց մարզիչները, որոնք Արտաշատից դեպի Գառնի գնալիս են եղել՝ մրցումների մասնակցելու նպատակով։

Այս խորագրի վերջին նյութերը