Ազգային ժողովը 2 միլիոն 250 հազարդ դրամի մեկ անձից գնման ընթացակարգով պայմանագիր է կնքել «Վիդու փրեզենթս» ՍՊԸ-ի հետ։

2 միլիոն 250 հազար դրամով գնել են չիր, թեյ՝ Հայաստան ժամանած արտասահմանյան պատվիրակություններին նվիրելու համար։

Մեկ այլ պայմանագրով՝ Ազգային ժողովը չիր է գնել նաև Վիկտորիա Սուքիասյան ԱՁ-ից՝ 1 միլիոն դրամիչափով։

Մեկ անձից գնման ընթացակարգով հաջորդ պայմանագիրը կնքվել է «Արտէքսիմ» ՍՊԸ-ի հետ։ ԱԺ-ն այս ընկերությունից 85 շիշ կարմիր և սպիտակ գինի է գնել՝ 463 հազար դրամով։

Մեկ անձից հաջորդ գնման պայմանագիրն Ազգային ժողովը կնքել է Լիանա Կարապետյան ԱՁ-ի հետ. պայմանագրի արժեքը կազմում է 655 հազար դրամ։ Այս գումարով ԱԺ-ն ձեռք է բերել 40 հատ դեկորատիվ նախշազարդ ափսեներ։

Աղբյուրը՝ 168.am