Լրահոս

24.01.2023 11:50


Արցախում գործունեություն ծավալող յուրաքանչյուր բանկ մյուս բանկերի քարտերն սպասարկելու է առանց միջնորդավճար գանձելու

Արցախում գործունեություն ծավալող յուրաքանչյուր բանկ մյուս բանկերի քարտերն սպասարկելու է առանց միջնորդավճար գանձելու

Արցախի տեղեկատվական շտաբը հայտնում է, որ այսուհետև Արցախի Հանրապետությունում գործունեություն ծավալող յուրաքանչյուր բանկ Արցախում գործող մյուս բանկերի քարտերն սպասարկելու է առանց միջնորդավճար գանձելու, իսկ դրա՝ տեխնիկապես անհնարինության դեպքում՝ գանձված միջնորդավճարը քարտապանին կվերադարձվի գործարքի հաջորդ օրը:

Արձագանքելով բնակչության կողմից բարձրացված խնդրին և հաշվի առնելով ստեղծված իրավիճակը՝ Արցախի Օպերատիվ շտաբը հարցը քննարկել էր ՀՀ կենտրոնական բանկի հետ, որից հետո Արցախում գործող բոլոր բանկերին առաջարկվել էր վերոնշյալ կարգավորումը: Բոլոր բանկերն իրենց համաձայնությունն են տվել և պատրաստակամություն են հայտնել ապահովել ընթացակարգի իրականացումը:

Այս խորագրի վերջին նյութերը