Հայաստանի էկոնոմիկայի նախարարությունում որոշել են զարկ տալ գյուղատնտեսության զարգացմանը և այդ նպատակով կրճատել են, օրինակ, գյուղացիներին տրվող վարկերի սուբսիդավորման, անասնաբուծության, ոչխարաբուծության զարգացման և այլ նպատակների համար պետական բյուջեով հատկացված գումարներն ու մոտ 80 միլիոն դրամ տրամադրել հանրային իրազեկվածության բարձրացման գործին։

Էկոնոմիկայի նախարարությունում եկել են այն եզրահանգման, որ գյուղատնտեսությունը կարելի է զարգացնել՝ նյութեր հրապարակելով, տեսահոլովակներ նկարահանելով և հեռարձակելով, սեմինարներ անելով, ուղեցույցներ հրապարակելով, ուստի շուրջ 80 միլիոն դրամը որոշել են ուղղել մի շարք ծրագրերի իրականացմանը՝

• Լուսաբանման աշխատանքներ, պաշտոնական հաղորդագրություններ, հոդվածների պատվիրում,

• գյուղատնտեսական աջակցության ծրագրերի վերաբերյալ ուղեցույցների, տեղեկատվական թերթիկների դիզայն, տպագրում, տեսահոլովակների և դրանց բովանդակության ստեղծում/պատվիրում,

• հոլովակների հեռարձակում

• Հնարավոր շահառուների համար հանդիպումների, սեմինարների, դասընթացների կազմակերպում՝ գյուղատնտեսության աջակցության պետական գործիքներին ծանոթացնելու նպատակով։

Աղբյուրը՝ 168.am