Կապիտուլյացիայից օրեր անց՝ 2020թ․ նոյեմբերի 18-ին, համացանցում տեսանյութ տարածցեց, թե ինչպես են ադրբեջանցի զինվորները տանջում ու ծաղրում տարեց հային, կրակում ոտքերի տակ։ Մարդկային երևակայությունն անգամ չէր կարող պատկերացնել, թե ծեր ու անզեն մարդու նկատմամբ հնարավոր է նման բան, անգամ՝ թշնամու կողմից։ Այսօր՝ 2021թ․ մայիսի 16-ին, երբ ոստիկանության ծառայողները քաշքշելով ու հայհոյելով բերման ենթարկեցին արցախյան երեք պատերազմների մասնակից, 72-ամյա Գեորգի Արիստակեսյանին որը հեծանվով երթ էր անում, հիշեցինք ադրբեջանցի զինվորների բարբարոսությունը։ Որևէ տարբերություն չկա գործողությունների մեջ․ միակ տարբերությունը բռնություն գործադրողների ազգությունն է․ մի դեպքում ադրբեջանցիներն են հայ տարեցի նկատմամբ այդպես վարվում, մյուս դեպքում՝ հայերը։

Աղբյուրը՝ yerevan.today