«Երկակի ստանդարտը շատ ակնհայտ է, տեսնում եմ՝ ենթադրենք իմ կամ իմ գործընկերների ելույթ ունենալուց որոշակի ձայներ, աղմուկ է լինում, բայց որևէ կարգապահական միջոց չի ձեռնրկվում: Երբ դա արվում է ընդդիմադիր ցանկացած մի գործչի կողմից, ապա անմիջապես ոչ միայն արձագանք է լինում, այլ մի հատ էլ կարգապահական միջոց է կիրառվում, սա կարծես մի քիչ աբսուրդային լինի»,-լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

«Կարգապահական միջոցի կիրառումը բացառիկ միջոց է, որն այնպիսի մի արտառոց իրավիճակ պետք է լինի, որ սկսվի դրա կիրառումը՝ սկսելով հենց նախազգուշացումից: Օրենքը նաև ասում է, որ նվազից դեպի ավելի խիստը պետք է գնալ, բայց ենթադրենք մեկ ձայն լսվում է, դրա համար կարգապահական միջոց է կիրառվում, որը նույն կերպ երբեք չի արվում այլ ուժի ներկայացուցչի նկատմամբ, սա առնվազն նորմալ աշխատանքային պայման չէ»:

Աղբյուրը՝ yerevan.today