Քաղաքական

22.04.2011 18:04


Հովիկ Աբրահամյանն էլ պատասխանեց Տիգրան Սարգսյանին. 2։1

Հովիկ Աբրահամյանն էլ պատասխանեց Տիգրան Սարգսյանին. 2։1

Երեկ կառավարության նիստում ՀՀ վարչապետ Տիգրան Սարգսյանը հրապարակայնորեն պատասխանեց ՀՀ ԱԺ նախագահ Հովիկ Աբրահամյանի այն հայտարարությանը, որ կառավարությունը փոխել է իր քաղաքականությունը տեղական ինքնակառավարման մարմինների նկատմամաբ:

Չի ուշացել նաև Հովիկ Աբրահամյանի պատասխանը։ Նա Տիգրան Սարգսյանին որոշել է պատասխանել «Facebook» սոցիալական ցանցի իր էջի միջոցով։

«Նախ ասեմ, որ Ազգային ժողովում հնչեցրած իմ տեսակետը ոչ թե քննադատություն էր, այլ եզրահանգում, որը հիմնված էր ՏԻՄ-երում աշխատելու և Կառավարությունում այդ ոլորտը համակարգելու տարիների իմ փորձի վրա:

Ինչ վերաբերում է Կառավարության նիստում վարչապետի հայտարարությանը, կրկնեմ իմ այն տեսակետը, որ միշտ կողմնակից եմ եղել լիազորությունների ապակենտրոնացմանը դեպի ՏԻՄ-եր»,–գրել է Հովիկ Աբրահամյանը և հավելել.

«Մենք վարչապետի հետ նույն քաղաքական թիմից ենք, անում ենք նույն գործը` պարզապես տարբեր տեսանկյուններից մոտենալով դրան, բայց ունենալով նույն նպատակը` զարգացած տեսնել ՏԻՄ համակարգը: Եվ միմյանցից նեղանալու բան չունենք, եթե միայն պարոն Սարգսյանն ինձանից չի նեղացել իր վերջին առաջարկը մերժելու համար: Սա, իհարկե, իբրև կատակ»:

7or.am

Այս խորագրի վերջին նյութերը