Լրահոս

12.08.2020 11:20


Արարատի մարզում մի քանի տոննա խոտով բարձված կցորդիչը կողաշրջվել է. ճանապարհը դարձել էր անանցանելի

Արարատի մարզում մի քանի տոննա խոտով բարձված կցորդիչը կողաշրջվել է. ճանապարհը դարձել էր անանցանելի

Երեկ՝ օգոստոսի 11-ին, Արարատի մարզում, ժամը 23։10-ի սահմաններում Երևան-Երասխ ավտոճանապարհի 40 կմ հատվածում դեռևս անհայտ հանգամանքներում «ԶԻԼ» մակնիշի բեռնատարին ամրացված կցորդիչը, որը բարձված է եղել մոտ 3 տոննա խոտի հակով, կողաշրջվել է։

Ինչպես դեպքի վայրից հայտնում է shamshyan.com-ը, ըստ նախնական տեղեկությունների՝ բարեբախտաբար, տուժածներ չկան, սակայն թափված խոտը փակել էր ճանապարհը և երթևեկությունը դարձել էր անանցանելի։

Քաղաքացիներն իրենց ուժերով կարճ ժամանակում տարածքը մաքրեցին թափված խոտից, այդ ընթացքում էլ տեղում ուժեղացված ծառայություն էին կատարում ճանապարհային ոստիկանները։

Կողաշրջված կցորդիչը դարձի բերվեց և տեղափոխվեց անվտանգ վայր։

Այս խորագրի վերջին նյութերը