Ճապոնիայում կրկին հզոր երկրաշարժ է տեղի ունեցել՝ 7,4 բալ ուժգնությամբ: Երկու մարդ զոհվել է։ Էպիկենտրոնը եղել է Հոնսյու կղզու հյուսիս-արևելքում, ցնցումները զգացել են նաև Տոկիոյում: Տեղի իշխանությունները բնակիչներին զգուշացրել են սպասվող ցունամիի մասին:

Զոհվածներից մեկի՝ 63–ամյա ճապոնուհու մահվան պատճառը երկրաշարժի ժամանակ էլեկտրաէներգիայի անջատման պատճառով արհեստական շնչառության սարքի խափանումն է եղել։ 79–ամյա մյուս ճապոնացուն էլ երկրաշարժից հետո ուշագնաց վիճակում են հայտանբերել։ Նա մահացել է հիվանդանոցում։ Հաղորդվում է 130 տուժածների մասին։

Մինչ այժմ Ճապոնիայի մի շարք շրջանների բնակիչներ առանց էլեկտրականության են։

Նշվում է նաև, որ երկրաշարժի հետևանքով ճապոնական «Օնագավա» ատոմակայանի ռադիոակտիվ ջրերը սկսել են արտահոսել։

7or.am