Երեկ՝ մայիսի 14-ին, խոշոր ու ոողբերգական ավտովթար է տեղի ունեցել Վայոց Ձորի մարզում։ Ժամը 21։30-ի սահմաններում Երևան-Մեղրի ավտոճանապարհի 141.2 կմ հատվածում բախվել են Կապանի բնակիչ՝ 54-ամյա Լևոն Խուրշուդյանի վարած «Կամազ» մակնիշի 704 AP 61 համարանիշի և Վայոց Ձորի մարզի Զառիթափ գյուղի բնակիչ՝ 49-ամյա Հակոբ Թումանյանի վարած «ՎԱԶ 2106» մակնիշի 36 GR 320 համարանիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «06»-ի վարորդ Հ. Թումանյանը տեղում մահացել է։

Փրկարարները հատուկ տեխնիկայի օգնությամբ ավտոմեքենայից դուրս են բերել նրա մարմինը և մոտեցրել շտապօգնության ավտոմեքենային։

Փաստի առթիվ հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով։

Գ. Շամշյանի տեղեկություններով՝ մահացածը Վայոց Ձորի մարզում հայտնի «սնխչի» էր։

Մանրամասները՝ Shamshyan.com-ում: