Այսօր` մայիսի 12-ին, խոշոր ավտովթար է տեղի ունեցել Երևանում։ Ժամը 08։10-ի սահմաններում Դավիթ Բեկի պողոտայում՝ ժողովրդին հայտնի «Սարի թաղի կալցևոյում», բախվել են Opel մակնիշի 36 AF 066 համարանիշի և ԶԻԼ մակնիշի 34 CO 933 համարանիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։

Ֆոտոլրագրողը հայտնում է՝ բախման արդյունքում ЗИЛ-ը դուրս է եկել երթևեկելի գոտուց, հայտնվել հետիոտնի համար նախատեսված մայթին, փլուզել շինության պարիսպը և մասամբ հայտնվել բնակչի տան տարածքում։

Փրկարարները հոսանքազրկել են ավտոմեքենաները, փակել գազաբալոնը, սահմանազատել տարածքն ու կատարել ճանապարհի լվացման աշխատանքներ։

Փաստի առթիվ նյութեր են նախապատրաստվում։

Պարսպի փլուզման հետևանքով վնասվել է բնակչի շինության տանիքը և թափված հսկայական բետոնները վնասել են բակում կայանված Nissan և Honda մակնիշի ավտոմեքենաները։

Ոստիկանությունը պարզում է վարորդների և վիրավորի ինքնությունը։

Մանրամասները՝ Shamshyan.com-ում: