Տնտեսական

13.02.2020 13:24


ՏՄՊՊՀ նախագահը հերքեց Հայաստան ձվի ներմուծման մասին տեղեկությունները

ՏՄՊՊՀ նախագահը հերքեց Հայաստան ձվի ներմուծման մասին տեղեկությունները

Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը հերքում է այն տեղեկությունները, թե Հայաստանի Հանրապետություն ձու է ներմուծվել:

«Արմենպրես»-ի փոխանցմամբ՝ այս թեմային Գևորգյանն անդրադարձավ կառավարության փետրվարի 13-ի նիստում:

«Ձվի գնի հսկայական անկում կա, բայց ուզում եմ հստակ ասել, որ այս պահին որևէ պաշտոնական տվյալ չի ասում, որ Հայաստանի Հանրապետություն ձու է ներմուծվել: Այսինքն՝ գերարտադրության խնդիրն է կամ մեծ տնտեսավարողների կողմից վարած քաղաքականությունն է, որի վերաբերյալ այս պահին ուսումնասիրություն ենք անում: Ներմուծման մասին տեղեկատվությունը չի համապատասխանում իրականությանը»,- ասաց Գևորգյանը:

Այս խորագրի վերջին նյութերը