Նոր Զելանդիայում տեղի ունեցած հզոր երկրաշարժի հետևանքով զոհերի թիվը հասել է 144–ի։ Ինչպես փոխանցում է «Associated Press» գործակալությունը՝ ոստիկանության ներկայացուցիչները հայտնել են, որ ավերակների տակից դեռևս շարունակվում է մահացածների հայտնաբերումը։ Սակայն շարունակվող ստորգետնյա ցնցումները բավականին բարդացնում են որոնման աշխատանքները։

Ավելի վաղ հայտարարվել էր 123 զոհվածերի մասին։

Հիշեցնենք՝ փետրվարի 22–ին Նոր Զելանդիայի բնակչության թվով երկրորդ Կրայստչերչ քաղաքի շրջանում տեղի է ունեցել 3 երկրաշարժ՝ 6.3, 5.6 և 5.5 մագնիտուդով։ Քաղաքում հայտարարվել էր զանգվածային տարհանում, իսկ տեղի օդանավակայնը փակվել էր։ Երկրի վարչապետ Ջոն Քեյի խոսքերով՝ 2011թ–ի փետրվարի 22–ը դարձավ Նոր Զելանդիայի «ամենասև օրը» երկրի ամբողջ պատմության ընթացքում։