Ամանորյա միջոցառումների համար Երևանի Նոր Նորք վարչական շրջանը բյուջեից կծախսի 9 մլն դրամ: Այս մասին Tert.am-ը տեղեկանում է աճուրդի գործընթացի մասին տվյալներից:

Երևանի քաղաքապետարանի աշխատակիցների համար մշակութային միջոցառումների կազմակերպման ծառայություններ անվան տակ կկազմակերպվի ամանորյան միջոցառում Նոր Նորքում:

Տեխնիկական բնութագրի մեջ ասվում է, որ նախատեսվում է միջոցառում, որի համար անհրաժեշտ է վարչական շրջանի բոլոր զանգվածների, վարչական շենքի ու բակի, գլխավոր փողոցների ու բակերի տոնական ձևավորում և բացիկների ձեռքբերում:

300 հատ շնորհավորական բացիկ, Ձմեռ պապի, Ձյունանուշ, հեքիաթների հերոսներ, ֆուրշետ՝ 150 հոգու համար, ալկոհոլային խմիչքներ, պարային խմբերի մասնակցություն, սցենար, հաղորդավարներ, կհրավիրվի բենդ, ինֆորմացիայի տարածումը կիրականացվի որոշ լրատվամիջոցներով, կհրավիրվի նաև լուսանկարիչ:

Միջոցառմանը պետք է պատրաստ լինեն մինչև դեկտեմբերի 15-ը: