«Տեսակետ» մամուլի ակումբում «Ազգային ինքնորոշում միավորում» կուսակցության առաջնորդ Պարույր Հայրիկյանը, խոսելով Հայաստան-Թուրքիա արձանագրությունների մասին, ասել է.

-Այսօր, կարծում եմ, շատ ճիշտ կլիներ, որ Հայաստանն արագ վավերացներ այդ արձանագրությունները և ասեր, որ եթե 2 ամսվա ընթացքում չեք վավերացնում, մենք չեղյալ ենք հայտարարում մեր վավերացումը: Ինչ վերաբերում է Ցեղասպանության առնչությամբ բարձրացրած հիստերիկային, Հայաստանը պետք է ավելի գործնական լիներ։ Երբ ԱՄՆ հանձնաժողովի անդամները որոշում ընդունեցին (ճիշտ է՝ ընդամենը մեկ ձայնի առավելությամբ), կամ Շվեդիայինը, նախագահն իրեն պետք է անմիջապես դրսևորեր և այդ առիթով որոշակի խոսքեր ասեր։

ԱԻՄ առաջնորդը մասնավորապես նշել է, որ Ցեղասպանության հարցը միավորում է հայերին և թուրքերին, ու վերջինների հետ ոչ թե պետք է կռիվ տալ այդ հարցի վերաբերյալ, այլ համախմբված գործել՝ տեսնելու, թե «ինչպե՞ս կարելի է այդ հարցը մեջտեղից հանել»:   

7or.am