Ինչպես արդեն տեղեկացրել էինք, ԱՄՆ պետքարտուղար Հիլարի Քլինթոնը «Պոզներ» հաղորդման ժամանակ պատասխանելով այն հարցին, թե ինչո՞ւ են ինքն ու Օբաման ընդդիմանում 252-րդ բանաձևին՝ ասել է, թե Ցյուրիխում Հայաստանի և Թուրքայի միջև ստորագրվել է համաձայնագիր, որտեղ  նշված է, թե երկու երկրների կողմից կստեղծվի պատմական հանձանաժողով, որը կզբաղվի անցյալի հետ կապված առկա խնդիրներով։

ՀՀԿ խմբակցության քարտուղար Էդուարդ Շարմազանովը արձագանքելով դրան՝ «7օր»-ին ասել է, թե արձանագրություններում խոսվում է ոչ թե պատմաբանների, այլ միջկառավարական հանձնաժողովի մասին։

Պատասխանելով այն հարցին, թե ինչու է Հիլարի Քլինթոնը նման կերպ արտահայտվել, ասել է, թե հնարավոր է՝ նա վրիպել է։

-Մենք ասում ենք այն, ինչ գրված  է արձանագրություններում։ Եվ ևս մեկ անգամ ներկայացնում ենք մեր դիրքորոշումը, որ հայկական կողմի համար Ցեղասպանության խնդիրը քննարկման և սակարկման առարկա լինել չի կարող։ Մենք կարող ենք միայն քննարկել Ցեղասպանության հետևանքների վերացման հարցերը,-նշել  է Էդուարդ Շարմազանովը։

7or.am