Կարծիք

12.04.2018 09:33


Կարելի է վարչապետի թեկնածուի քվեարկությունը տեղափոխել Ազատության հրապարակ

Կարելի է վարչապետի թեկնածուի քվեարկությունը տեղափոխել Ազատության հրապարակ

Ազգային ժողովը բաղկացած է 105 պատգամավորներից։ Որպեսզի ՀՀԿ-ական որևէ թեկնածու չստանա պատգամավորների պարզ մեծամասնության ձայները, անհրաժեշտ է 53 հոգու դեմ քվեարկություն։

Հիմա հետհաշվարկ անենք։ Ելքն ունի 9 պատգամավոր, որոնք հայտարարել են, որ դեմ են քվեարկելու։ Հուսամ, նրանք հանրության առաջ կստորագրեն` հավաստելով իրենց «դեմ» քվեարկությունը։ Մնաց 44 հոգի։ Ես մեծ հույս ունեմ, որ ոստիկանական մեծաքանակ ուժերով պահպանվող ԱԺ-ն բլոկադա անելու կարողություն ունեցող հանրությունը մինչև այդ, աշխատանքի բաժանում կատարելով, ի վիճակի է 3-4 օրում 44 հոգու հարց լուծել՝ խաղաղ ճանապարհով նրանց բերել Ազատության հրապարակ ու «համոզելով» ստորագրել իրենց «դեմ» քվեարկելու հաստատակամ մտադրության մասին։

Եթե կազմակերպված հանրությունն ավելի հաստատակամ լինի, կարելի է ընդհանրապես վարչապետի թեկնածուի քվեարկությունը տեղափոխել Ազատության հրապարակ։ Հիշեցնեմ, որ այդ 44 մանդատից 31-ը ԲՀԿ-ինն են։ Ու հիշեցնեմ նաև, որ որպեսզի ԱԺ-ում անցնի հանրության կոնկրետ հարցերով պատվիրակված վարչապետի թեկնածուն, պետք է նույն 53 ձայնը։

Եթե ինձ հարցնող լիներ, ես կսկսեի հենց Սամվել Ալեքսանյանի հետ խաղաղ, ոչ բռնի խոսակցությունից, որի ընթացքում նրան կներկայացվեն սպասվող հեռանկարները։

Սուրեն Սահակյանի ֆեյսբուքյան էջից

Այս խորագրի վերջին նյութերը