Լրագրողների հետ հանդիպման ժամանակ  գեներալ-մայոր Արկադի Տեր-Թադևոսյանը, խոսելով Լեռնային Ղարաբաղի հիմնահարցի լուծման վերաբերյալ, նշել է, որ կողմ է Լեռնային Ղարաբաղի Հանրապետության ճանաչմանը միայն ազատագրված տարածքների հետ միասին՝ ներկայիս սահմաններով։

-Լեռնային Ղարաբաղի ճանաչման ապագան կբերի նրան, որ մենք ստիպված կլինենք հանձնել ազատագրված տարածքները, քանի որ մենք առաջնորդվում ենք ազգերի ինքնորոշման սկզբունքով, իսկ ԼՂ-ը ինքնորոշվել է նախկին ԼՂԻՄ տարածքով, իսկ միջազգային իրավունքը չի ընդունում ազգային ազատագրական պատերազմի արդյունքում ազատագրված հողերը, - նշեց Տեր-Թադևոսյանը։

-Ղեկավար կուսակցությունները չունեն հստակ պատկերացումներ այս հարցի շուրջ և ուղղակի հետևում են նախագահի քայլերին ու ելույթներին, - հավելեց նա։