Այսպիսի պատմությունները, ցավոք սրտի, եզակի բնույթ չեն կրում, և շատերի համար արդեն սովորական բան են դարձել: «Առա՛ջ, Հայաստան», «Հավատանք, որ փոխենք», էլ եսիմ ինչ: Հիմա էլ վստահության մթնոլորտ են փորձում «վերականգնել»: Ձեր նկատմամբ վստահություն երբեք չի եղել ու չի էլ լինի: Սկի ձեր էժան սազանդարները ձեզ չեն վստահում. փորձեք մի երկու օր իրենց հասանելիք գումարը ուշացրեք, տեսեք՝ ինչ օրը ձեզ կգցեն:

Վանաձորի քաղաքապետը քաղաքացուն ասում է «Քեզ քացուս տակ կգցեմ» ու դրանով հավակնում է «հաղթել» ընտրություններում: Իսկ ի՞նչ վատ կարգախոս է, որ: Գոնե անկեղծ է և շատ ավելի է սազական Հանրապետականին՝ համահունչ է նրան, ինչ անում են Սերժ Սարգսյանն ու նրա ծառաները: Նրանցից շատերի համար դա նաև կյանքի կարգախոս է: Սյունեցիներին ու էջմիածնեցիներին հարցրեք: Սրան նաև այն մի հանրապետականի ասածն էլ ավելացրեք՝ «սատկացնելու ժամանակի վերաբերյալ» ու զենք-զրահով գնացեք ընտրությունների: Սա՛ եք դուք: Իզուր ձեզ մի՛ խաբեք, ուրիշ ձևով հաղթել ընտրություններում դուք չեք կարող:

Անդրանիկ Վարդանյանի ֆեյսբուքյան էջից