Տնտեսական

09.12.2009 18:55


Երիցյանը խուսափեց ստվերային տնտեսության թիվը հրապարակելուց

Երիցյանը խուսափեց ստվերային տնտեսության թիվը հրապարակելուց

-Վերջին վերլուծության, հարցումների արդյունքներով Հայաստանում որքա՞ն է ստվերային տնտեսության մակարդակը,-Ազգային ժողով-Կառավարություն հարցուպատասխանի ժամանակ դիմելով ՀՀ կառավարությանը՝ այսպիսի հարց է բարձրացրել ԱԺ Դաշնակցություն խմբակցության պատգամավոր Արծվիկ Մինասյանը,-կառավարությունը կոնկրետ ինչպիսի՞ քայլեր է իրականացնելու ստվերային տնտեսությունն օրինական դաշտ բերելու ուղղությամբ։ Որքանո՞վ է տնտեսական ճգնաժամն ազդել ստվերային տնտեսության խորացմանը,-շարունակել է հարցադրումն Ա. Մինասյանը։

ԱԺ նախագահ Հովիկ Աբրահամյանը կառավարությանը հորդորել է հարցին պատասխանել «ըստ էության»։

ՀՀ էկոնոմիկայի նախարար Ներսես Երիցյանն ի պատասխան ասել է, թե աշխարհում չկա նման տնտեսություն, որը ստվերային հատված չունենա։

-Վիճակագրությունը հրապարակված է։ Ցուցանիշը մեծ է, մտահոգիչ։

Ա. Մինասյանը նախարարին առաջարկել է թիվ հրապարակել. «Որքա՞ն է»։

-Կառավարության թիվը պաշտոնական թիվն է,-պատասխանել է Ներսես Երիցյանը։

-Պարո՛ն Երիցյան, թիվը հրապարակեք, եթե դժվար չէ,-պնդել է Ա. Մինասյանը։

-Մեր վիճակագրական տվյալների մեջ դա բավական մեծ թիվ է,-պատասխանել է Ն. Երիցյանը։

Սյուզի Մելքոնյան

Այս խորագրի վերջին նյութերը