«ԲՀԿ–ի հետ կոալիցիան ՀՀԿ–ին այսօր պարզապես անհրաժեշտ է, չնայած որ ՀՀԿ–ն հակառակն է պնդում։ ԲՀԿ–ի համար էլ այդ կոալիցիան կլինի քաղաքական վախճանի սկիզբը, և հենց այդ վախճանին է ձգտում Հանրապետական կուսակցությունը, որպեսզի վերացնի իր հիմնական հակառակորդին»։

«Ժառանգություն» կուսակցության լրատվական ծառայությունը հաղորդագրություն էր տարածել, որ մայիսի 15-ին Րաֆֆի Հովհաննիսյանը հանդես կգա հետընտրական հայտարարությամբ: Այսօր, սակայն, լրագրողների հետ նախատեսված այդ հանդիպումը չեղյալ է համարվել։ «7օր»–ը «Ժառանգության» մամուլի խոսնակ Հովսեփ Խուրշուդյանից հետաքրքրվել է, թե այս փոփոխության պատճառը ո՞րն է։ Նա պատճառաբանել է, թե առանց այդ էլ Րաֆֆի Հովհաննիսյանը չէր պատասխանելու լրագրողների հարցերին...

«Ժողովրդական կուսակցության» ղեկավար Տիգրան Կարապետյանը հունիսի 1-ին կմեկնի Հայաստանից և դժվար է ասել` կրկին կվերադառնա, թե ոչ: Կայքի այս տեղեկությունը հաստատել է նաև ինքը` Տ. Կարապետյանը, չմանրամասնելով, սակայն, ընդմիշտ է գնում, թե՞ ժամանակավոր:

Մայիսի 13-ին կայացած արտահերթ նիստում Հայաստանի կենտրոնական ընտրական հանձնաժողովը հրապարակել է մեծամասնական ընտրակարգով բոլոր 41 ընտրատարածքներում հաղթած թեկնածուների անունները ու ստացած քվեների վերջնական արդյունքները:

Մայիսի 13-ին, Կենտրոնական ընտրական հանձնաժողովի արտահերթ նիստում պաշտոնապես հրապարակվել են մայիսի 6-ին կայացած խորհրդարանական ընտրությունների վերջնական արդյունքները: Ընտրողների թիվը կազմել է 2 մլն 501 597։ 2012 թվականի խորհրդարանական ընտրություններին մասնակցել է 1 մլն 573 053 ընտրող: Անվավեր է ճանաչվել 53 831 քվեաթերթիկ:

Անդրանիկ Թևանյան. «2012–ի ԱԺ ընտրությունները Սերժ Սարգսյանի համար հետաձգված ծրագրերի իրագործման հնարավորություն էր, և նա ընտրակեղծիքների նոր տեխնոլոգիաների օգնությամբ, ինչպես 2007–ին, մենաշնորհ հաստատեց քաղաքական դաշտում։ Նկատենք, որ հիմա էլ, ինչպես 1995–ի կամ 2007–ի ընտրություններից հետո, հանրության մոտ անելանելիության զգացում կա և թվում է, թե գալիք նախագահականն արդեն պարզ ձևականության է վերածվելու, բայց...»։

«Ժառանգություն» կուսակցության համանասնական ցուցակով առաջադրված պատգամավորի թեկնածու անկուսակցական Կարապետ Ռուբինյանը, պատասխանելով «7օր»–ի այն հարցին, թե հնարավո՞ր է, որ «Ժառանգությունը» կամ «Ազատ դեմոկրատները» համագործակցեն ՀՀԿ–ի հետ, պատասխանել է...

2013թ. նախագահական ընտրություններում Սերժ Սարգսյանին սատարելը և այժմ ՀՀԿ–ի հետ կոալիցիա կազմելը քիչ հավանական է։ Այս մասին «7օր»–ի հետ զրույցում ասել է «Ժառանգություն» կուսակցության մամուլի խոսնակ Հովսեփ Խուրշուդյանը։ Ինչ վերաբերում է «Ժառանգության» պատգամավոր Զարուհի Փոստանջյանի կողմից մանդատը վայր դնել–չդնելուն, «Ժառանգության» մամուլի խոսնակն ասել է, որ այդ մասին դեռ որևէ նորություն չկա։

Դիտարկմանն ի պատասխան՝ թե ստացվում է՝ մանդատը չվերցնելու մասին լուրը ո՛չ հերքում է, ո՛չ էլ հաստատում, Փոստանջյանն ընդգծել է, որ արդեն ամեն ինչ ասել է. հարցի պատասխանը կարող է տալ միայն մանդատը պաշտոնապես վերցնելու կամ չվերցնելու օրը: Անտրամադիր Փոստանջյանը խորհուրդ է տվել «չերկարացնել» և անջատել է հեռախոսը:

«Ես անձամբ կտրակատանպես դեմ եմ, որ ԲՀԿ-ն մտնի ոչ իրական կոալիցիայի մեջ, ես ինքս անձամբ պայքարել եմ քաղաքական մենաշնորհի դեմ, ես կարծում եմ, որ քաղաքական մենաշնորհ ունեցող ուժը պետք է իր վրա վերցնի ամբողջ պատասխանատվությունը»։

ՀՅԴ ներկայացուցիչ Արմեն Ռուստամյանն ասել է, որ փողոցային պայքարը չի բացառվում։ Նրա խոսքով՝ պայքարը շարունակվելու է թե՛ խորհրդարանում, թե՛ փողոցում։ Նա հայտարարել է, որ Դաշնակցությունը ձգտելու է ամբողջական իշխանափոխության։ Այս ճանապարհին ՀՅԴ–ն նախ և առաջ ձգտելու է ընտրական համակարգի փոփոխությանը։

Միասնական շտաբը արձանագրում է, որ ԱԺ ընտրություններն անցել են համատարած օրինախախտումներով։ Դրա հետ մեկտեղ, ԿԸՀ–ն, խախտելով օրենքի պահանջները, չի կարողացել ապահովել բազմակի քվեարկության բացառմանն ուղղված ամենակարևոր գործիքի՝ անձնագրերի դրոշմակնքման պատշաճ կիրառումը։ Խիստ անարժանահավատ են նաև ընտրությունների ընթացքում օգտագործված ընտրացուցակը և ընտրություններին մասնակցած ընտրողների պաշտոնապես հրապարակված թվերը։

Իսկ խորհրդարանական ընտրությունների արդյունքներին անդրադառնալով` Օսկանյանն ասել է , որ «Բարգավաճ Հայաստանը» այս գումարման ԱԺ-ում կրկնապատկել է իր մանդատները քանակը, այդուհանդերձ այն կարող էր շատ ավելի մեծ ներկայություն ունենալ, եթե ընտրություններն առավել արդար անցնեին։ ԲՀԿ ներկայացուցիչը չի բացառել առաջիկա նախագահական ընտրություններին իր մասնակցության հնարավորությունը:

Արշակ Բանուչյան. «Գուցե մենք ձայներ կորցրինք։ Այդ ձայներն ո՞ւր գնացին։ Քվեարկության չեկա՞ն։ ԲՀԿ–ի՞ն իրենց ձայները տվեցին։ Համենայնդեպս, «Բարգավաճ Հայաստանից» խորհրդարան մտած մարդկանց մի զգալի մասը մտավորականներ են, ովքեր իրենց կդրսևորեն նոր խորհրդարանում։ Ես դրանով մտահոգված չեմ. կարևորը այն սկզբունքային դիրքորոշումներն են, որոնք մենք ունենք»։

ԲՀԿ համամասնական ցուցակի անդամ Ստեփան Մարգարյանն անդրադարձել է ԱԺ ընտրությունների արդյունքներին ու իր տեսակետը ներկայացրել հետագա զարգացումների վերաբերյալ։

Հենց նոր «7օր»–ն ահազանգ է ստացել, որ երեկ երեկոյան թիվ 12 ընտրատարածքում ինչ–որ գործողություններ են տեղի ունեցել։ «Օրինաց երկիր» կուսակցության դիմումով այս օրերին այնտեղ մայիսի 6–ին կայացած ընտրությունների արդյունքների վերահաշվարկ է իրականացվում և կասկածներ կան, որ ամեն ինչ արվում է այս տարածքում ընտրությունները չեղյալ հայտարարելու համար։

Անդրանիկ Թևանյան. «Սերժ Սարգսյանն այժմ Հայաստանը տանում է ադրբեջանականացման, իսկ իշխանական բարքերը՝ իլհամալիևականացման ճանապարհով, բայց առանց նավթի ու գազի, ինչը նշանակում է, որ մենք վաղ թե ուշ պարտվելու ենք «սառը» պատերազմում, քանզի Հայաստանը սուլթանատ պահելու ռեսուրսներ չունի և նմանատիպ մրցակցության մեջ կզիջի հարևան նավթային սուլթանատին։ Հետևաբար՝ Հայաստանը կգնա կա՛մ էֆտանազիայի, կա՛մ շոկաթերապիայի. 3–րդ տարբերակ չկա»։

ԱԺ ընտրությունների հետ կապված ՀԱԿ–ը հանրահավաք էր կազմակերպել։ Վարդան Օսկանյանն, անդրադառնալով ՀԱԿ ներկայացուցիչների հնչեցրած մտքերին, ֆեյսբուքյան իր էջում գրում է.